大快活 (已結業)

今日返晏，可以食个tea先返工，来到大快活见到有呢个新出嘅水饺担担面，就即管试下啦。食物好快就有得拎，但一望落去已经心知不妙，点解个担担面会好似普通上海面咁嘅？但既然叫咗，都要顶硬上食架啦。先饮啖汤，暖的...味道同普通上汤有咩分别？一啲担担味都无，连最普通嘅肉碎都无一粒。上海面算不过不失，至少唔会硬到一饼嘢咁。试埋个水饺，一咬落去完全唔热，水饺皮好厚同硬，完全唔好味。配菜有冻嘅菜同一块脆肉瓜，至于图片上嘅红萝卜就欠奉。我明白图片只供参考，但都唔系咁甩皮甩骨嘛...鸡翼算正常，至少烧得够香脆。食完嘢想饮返啖嘢，心谂低糖绿茶唔会出事喇呱，点知一饮，牙都冻僵埋，驶唔驶落咁多冰呀...我明白多啲冰可以俾少d绿茶，但未免太多了吧，冻到要倒咁啲冰出黎先饮到，倒完都无几多绿茶剩了。