影片
更多
2022-01-19
654 浏览
今日中午同同事去咗帮衬「阿杏饭团」，之前经过亲都见好多人排队，可能最近多咗人可以在家工作，人流先明显少咗！小店主力做外卖🥡，但都设有四个堂食座位，如果要坐低食，真系要碰吓运气，一位难求呢，哈哈🤣。呢度顾名思义系食饭团，不过佢嘅出品并非日式𠮶种，再加上圆形一大碌，我认为似粢饭多啲🍙。饭团售价介乎$33至$46，单睇价钱唔算平，不过胜在大件足料，男仔当晏食都够😗。新宿烧汁牛扒饭团($38)，🥩主角牛扒好味道，有一定厚度，所以食落有咀嚼感，而且用上烧汁调味几惹味。饭团用紫糯米包裹💜🍚，紫糯米营养价值高，健康之选，佢口感较普通米烟韧，故此食起上嚟更具饱腹感。芙蓉咸蛋饭团($33)，呢个系比较接近原味嘅招牌款式，食材包括大大个芙蓉咸蛋黄🍳、肉松、黄萝卜、油条酥、沙律酱生菜同青瓜。每啖食都觉得好丰富，而且带著流沙嘅口感好得意🤤。饮品方面🧋，我哋要咗烧仙草茉莉以及椰果四季春，两杯同样卖$25。不过嗌指定饭团就可享饮品85折优惠🈹。我饮仙草𠮶杯，味道唔错，茶底清香唔涩，甜度亦适中，仙草口感佳，唔会碎湿湿或太胶。题外话，小店嘅外卖包装同店舖装修都好鬼靓，🌸粉红系和纸花花图案无得输！总括嚟讲，喺尖东呢个美
今日中午同同事去咗帮衬「阿杏饭团」，之前经过亲都见好多人排队，可能最近多咗人可以在家工作，人流先明显少咗！
小店主力做外卖🥡，但都设有四个堂食座位，如果要坐低食，真系要碰吓运气，一位难求呢，哈哈🤣。
呢度顾名思义系食饭团，不过佢嘅出品并非日式𠮶种，再加上圆形一大碌，我认为似粢饭多啲🍙。饭团售价介乎$33至$46，单睇价钱唔算平，不过胜在大件足料，男仔当晏食都够😗。
新宿烧汁牛扒饭团
$38
25 浏览
0 赞好
0 留言
芙蓉咸蛋饭团($33)，呢个系比较接近原味嘅招牌款式，食材包括大大个芙蓉咸蛋黄🍳、肉松、黄萝卜、油条酥、沙律酱生菜同青瓜。每啖食都觉得好丰富，而且带著流沙嘅口感好得意🤤。
饮品方面🧋，我哋要咗烧仙草茉莉以及椰果四季春，两杯同样卖$25。不过嗌指定饭团就可享饮品85折优惠🈹。我饮仙草𠮶杯，味道唔错，茶底清香唔涩，甜度亦适中，仙草口感佳，唔会碎湿湿或太胶。
题外话，小店嘅外卖包装同店舖装修都好鬼靓，🌸粉红系和纸花花图案无得输！
总括嚟讲，喺尖东呢个美食沙漠入面多一个午餐选择，实在难得😭。小店可以考虑提供埋小食或汤，相信到时定必会更受欢迎。
张贴
