火井火鍋海鮮飯店

营业中

休息中

打边炉系本人一年四季都非常喜欢嘅活动，今次试嘅火井门口贴左唔少明星相，有两层，感觉好local，要叫野食可以随时大叫😅唔会有张点菜纸俾你tick tick tick 呢度系我地食嘅嘢嘅一小部份，之后挂住食冇再影相，讲下佢嘅牛肉，差唔多$300一碟份量算有返咁上下。左边系美国牛，右边系手切牛颈脊，牛颈脊正好多，一啲都唔肥又超有鲜牛味，咬落有好soft，好正！如果知道咁正一早叫多啲，因为限量供应再加单已经冇……咁员工就recommend我哋叫premium版牛颈脊，贵$100，我地好似食多左3盆，其实都好食，不过唔知点解我地都觉得平啲𠮶只牛颈脊反而好食d其他嘢食大部份都唔错，连个乌冬都唔颓。惟一唔好食嘅系羊肉，多肥膏又冇咩味，唔洗试。员工都好nice，价钱唔算平但食物质素几好。