樂湖刀削麵

营业中

休息中

作为天水围街坊，去揾食就紧系要到新北江而新北江嚟讲，呢间刀削面一定系我心目中嘅必推餐厅！呢间刀削面长期都坐无虚席，今次都避咗午饭时间去，谂住唔洗等位啦，点知去到都仲要等4张飞！好彩都系等咗10-15分钟左右我自己每次食都必定系会叫我嘅至爱麻辣猪颈肉，同行朋友就叫咗麻辣牛筋，另外再叫咗个炸云吞share!麻辣猪颈肉刀削面（𩠌小辣）（面唔辣）⭐️⭐️⭐️⭐️⭐️猪颈肉炸得外脆内软，劲香口又唔会太油腻，配埋蒜头入口劲香脆，麻辣汁唔会死咸但又好刺激，食到lam lam脷呀麻辣牛筋刀削面（𩠌小辣）（面BB辣）⭐️⭐️⭐️⭐️牛筋劲弹牙唔会好太韧，同埋劲索汁食落超甘香，入口系满清嘅骨胶原感！但小心牛筋上有机会系会有啲细骨，放入口前睇清楚就唔怕咬崩牙刀削面汤底超好味够浓郁，有阵淡淡嘅药材香，每次食都忍唔住系咁饮个汤，而面质系非常弹牙有口感，食得出人手削出嚟而唔系机械式压嘅感觉，每条面厚薄唔同会带出不同口感都几过瘾 炸云吞⭐️⭐️⭐️⭐️⭐️炸云吞嘅云吞系白菜猪肉馅，热辣辣咁上菜，入口劲香脆，咬个下会听到好清脆嘅声音，而且系炸得非常透，唔怕入面唔够熟，仲非常多肉汁添，完美呈现出外脆内软嘅口感呀温馨提示佢哋嘅小辣其实都偏辣，所以建