晶百合餐廳

营业中

休息中

九龙城新开餐厅，主打京沪菜式，现场师傅即叫即做手工制包点同拉面，用料新鲜，无添加济味精，希望食客可以用合理价钱食到健康嘅食物。另有精选午餐、下午茶同晚餐选择，招牌海南鸡、港式炒粉面饭、镬气小炒、常餐、小食等样样有齐，老少咸宜，区内人又有多个选择啦～自家制饺子有四款口味，有六/八粒选择，可选择汤/灼/煎、仲可以加面或配酸辣汤底。皮薄馅靓，大粒饱满，韮菜味出，又唔会盖过猪肉香气，值得一试。生煎包有两/四粒，外层厚，咬落多汁，一粒都几有份量，记得要趁热食。酥炸猪扒担担拉面，面条偏软身，挂汁，入口滑溜，担担味唔辣，小朋友都啱食，猪扒厚身，肥瘦适中，炸至酥脆可口，肉质都算嫩。葱爆牛肉炒刀削面第一次食，面条QQ哋，味道同干炒河一样。最后要私心推介芝士焗菠萝鸡扒饭，热辣辣，酸酸甜甜超开胃，鸡扒大块，配埋拉丝芝士同粒粒炒饭真系好邪恶。