Homeland (牡丹大廈) (已搬遷) 新店位置

本身唔太熟大角咀，如果唔系朋友邀请，我都真系唔知道呢区有咁多美食，更加估唔到星期六晚真系咁多人！我就嗌咗个龙门福建柚子啤酒，有好重嘅柚子味，易入口同香，啱晒我呢啲唔钟意太苦嘅人。半熟吞拿鱼配芒果他他沙律都好fresh，有好多片厚切嘅吞拿鱼，芒果酱汁甜甜酸酸咁，越食越开胃。主菜就食咗烟肉蛋安格斯牛汉堡烟肉，好丰富好厚身,个安格斯牛仲可以拣熟度，好好味。伴碟仲有粗萝条，唔惊唔饱。另一个主菜就系冬荫功海虾阔条面，啲虾都有少，仲好爽口弹牙，而冬阴功汁嘅意粉真系第一次试，估唔到可以咁夹。