M3 Italian (已結業)

意大利餐厅我就食得多，但系高质嘅究极为罕有。喺大围积福街有间稳世意大利餐厅，识食嘅一定会去，大部份人都嚟呢度happy hour 贪佢静静地格局又光鲜企理。我同朋友有啲肚饿，叫咗个饭同意粉，香浓墨鱼汁烩意大利饭配香煎鱿鱼筒，呢个真系好特别，唔似出边就咁用墨鱼汁捞个意大利饭就算，而系加埋鱿鱼筒，切成卷状，白雪雪咬落去又弹牙，口感丰富，而且加埋火箭菜，清新又味道。仲有我好欣赏呢度嘅自家制手工意粉，叫了香辣旋片大虾手制意粉，平时啲意大利粉会太油腻，但系呢个炒到啲蒜片好香，仲有少少辣椒，为呢个炎热嘅夏日带嚟火辣辣嘅口感，仲有啲意大利粉蛋黄色好有口感，令我最欣赏佢嘅大虾份量都几多每人三只，新鲜无比！最后饮埋杯冻柠茶坐多阵就Perfect啦。