Vol.1 Cafe

营业中

休息中

好少cafe主打手工意粉，高质又抵食，座位阔落，坐得好舒服，仲有户外户内座位，所以好多人帮衬，记得要订位啊！*卡邦尼手工圆粗面 $138圆粗面有咬口、有韧度，弹牙又唔会太硬。卡邦尼汁用「晓」嘅蛋黄、巴马臣芝士、Pancetta意式烟肉+Guanciale猪面颊肉，就系正宗意大利做法。酱汁浓厚到包住每一条意粉，芝士味好浓，但又唔会太腻，大推！牛油果酱烟三文鱼墨西哥脆片 $98牛油果够腍，有果蓉又有牛油果粒，夹杂烟三文鱼块。紫洋葱好大块，辣又攻鼻，切碎啲会更加易入口。Dorito(?)好脆，份量啱啱好食晒所有牛油果酱。抹茶巴斯克麻糬蛋糕 $68奶盖奶香好浓，一切即变流心。蛋糕抹茶味好淡，芝士味奶味未够浓郁，焦香味几乎零。麻糬黏到似浆糊，好似鼻涕，完全冇加乘效果。