Proton

营业中

休息中

系元朗唔止得放题，揾到呢间cafe都好高质下，入到黎坐位宽敞、楼底高，坐低舒服。叫一个主食，加58蚊，就有头盘、饮品、甜品，食到饱饱！风干火腿哈密瓜田园沙律，有好多片ham，哈密瓜又清甜，伴碟仲有沙律菜，个汁好特别系果酱。龙虾汤，暖笠笠汤浓郁。软壳蟹、牛油果、烟三文鱼野菌意大利饭，原只软壳蟹炸到脆卜卜，野菌好香，忌廉汁包住每粒饭，饭粒好烟韧。樱花虾泰式冬荫功椰香海鲜手工意大利面，樱花虾脆得黎带少少咸香，同冬荫功汁味道好夹，真系好似饮紧冬荫功汤咁，仲有青口、虾、蟹棒等海鲜，意粉比较粗身，有咬劲。蓝莓芝士蛋糕、朱古力蛋糕，我觉得朱古力蛋糕好味啲，浓得黎朱古力味又唔会太甜太漏，正！饮品选择都好多，唔会好似岀面只可叫柠茶柠水，就叫左冻mocha和麦茶。