影片
更多
2020-11-10
462 浏览
近年手工火锅兴起，每每汤底都好有惊喜，元朗最近开咗一间手工火锅店，主打港式火锅，最近仲做紧全单七折优惠都几抵食。麻极手工火锅店系一楼，要上一层楼梯，楼下都有好大个牌容易揾。店内坐位几舒适，二人被安排坐梳化卡位。枱与枱中间有分隔，唔洗同前后台你眼望我眼，私隐度够高。我见有几间VIP房可以包厢唱K，不过唔知几钱先可book到房。汤底：胡椒酸菜猪肚鱼锅+麻辣锅 $238汤底好大煲有睇头，麻辣锅辣味十足，我地拣咗少辣，好香花椒味，锅入面配咗少少豆卜、木耳、芽菜、芫荽，索咗辣汤食好惹味。胡椒汤底略嫌咸咗少少，所以一上台我就毕起啲咸酸菜费事越煮越咸，猪肚份量都多不过熬得太耐偏轫，汤底都够胡椒味，唔会好辣。自家制韮菜饺 $58$58一份有8粒大大粒，超抵食！皮薄馅多，韮菜味劲香，猪肉肥膏比例刚好所以猪油味都好突出，劲推荐！咸蛋黄墨鱼丸半份 $42$42得4粒，虽然偏贵但食得出系手工嘢。咸蛋味香浓，唔会太咸，系香口为主。墨鱼丸系手打，丸里面有墨鱼肉碎，好弹牙。新鲜猪腰 $48又系抵食之选！平时街市一边猪腰都要$10，又要洗又要浸。呢到$48一份，份量都唔少，而且完全无腥味，口感爽口，性价比极高。家乡腌
近年手工火锅兴起，每每汤底都好有惊喜，元朗最近开咗一间手工火锅店，主打港式火锅，最近仲做紧全单七折优惠都几抵食。
麻极手工火锅店系一楼，要上一层楼梯，楼下都有好大个牌容易揾。店内坐位几舒适，二人被安排坐梳化卡位。枱与枱中间有分隔，唔洗同前后台你眼望我眼，私隐度够高。我见有几间VIP房可以包厢唱K，不过唔知几钱先可book到房。
汤底：胡椒酸菜猪肚鱼锅+麻辣锅 $238
汤底好大煲有睇头，麻辣锅辣味十足，我地拣咗少辣，好香花椒味，锅入面配咗少少豆卜、木耳、芽菜、芫荽，索咗辣汤食好惹味。胡椒汤底略嫌咸咗少少，所以一上台我就毕起啲咸酸菜费事越煮越咸，猪肚份量都多不过熬得太耐偏轫，汤底都够胡椒味，唔会好辣。
自家制韮菜饺 $58
$58一份有8粒大大粒，超抵食！皮薄馅多，韮菜味劲香，猪肉肥膏比例刚好所以猪油味都好突出，劲推荐！
咸蛋黄墨鱼丸半份 $42
$42得4粒，虽然偏贵但食得出系手工嘢。咸蛋味香浓，唔会太咸，系香口为主。墨鱼丸系手打，丸里面有墨鱼肉碎，好弹牙。
新鲜猪腰 $48
又系抵食之选！平时街市一边猪腰都要$10，又要洗又要浸。呢到$48一份，份量都唔少，而且完全无腥味，口感爽口，性价比极高。
家乡腌蛳蚶 $58
好惊喜呢到竟然有呢款传统潮州冷盘，出面好难揾到㗎！一盘大约有十粒，侍应话可以就咁食，如果怕腥就轻轻一灼。我地食惯就梗系就咁食啦！蛳蚶用酱油腌过，有少少似韩国嘅酱油蟹，有葱蒜香味，咸咸甜甜好啱𩠌酒。
新鲜黑柏叶 $68
份量唔算大但够新鲜，切得够薄所以食落口唔会太轫，无腥味够爽口！
本地手切牛肉 $188
有牛味，有口感而不会太鞋
鸭血 $58
无预先腌制，无乜味。要系麻辣锅煮耐啲先够香口。
炸馒头 $28/6粒
新鲜炸起的馒头一定要趁热食，超脆口！
张贴
