洪記餃子雲吞糖水

营业中

休息中

经过宝乡街见到几间食店都以外卖为主，一于睇吓有咩正嘢买啲返去同家人分享。洪记饺子云吞糖水，标榜以纯手工制作，无添加剂，而且要排队的多是好味道，有传统糖水，新式甜品，煎饺子，即炸小食，各类特饮，即叫即包粢饭，仲有生肉饺子云吞可以售买。多芒杨枝甘露，有好满嘅芒果加上西米 椰奶 西柚，小小酸多多甜嘅配搭正正就系杨枝甘露。综合芋圆烧仙草，有西米 珍珠 芋圆 红豆 仙草，丰富又足料，整体甜度适中，唔会过甜，多重口感多种美味。粟米煎饺，有粟米 木耳 猪肉馅料，好饱满大只，即叫即煎，饺子皮烟韧煎到脆卜卜，猪肉馅香甜木耳爽。咸蛋黄煎饺，每粒饺子中间都系猪肉包住咸蛋黄，粒粒都有好咸香嘅蛋黄味，好味道。