大餃子 (已結業)

得30分钟要快食lumch，见到有间新嘢，就决定去食饺子。入门口已经见到有店员喺只密密手包饺子，原来店子标榜「不做隔夜馅」，希望可以保持到味道同质素。叫得大饺子，当然有饺子，可以净食饺子或者配汤面，唔够食仲有小食。饺子(8只)配酸辣汤 $55同行拣咗韭菜饺子配芹菜饺子，以为饺子会另上，点知放埋入酸辣汤。饺子都系有猪肉好松散的问题，酸辣汤就酸辣度刚刚好，唔会太辣。饺子(10只) $60可以叫两款唔同味，所以拣牛肉大葱饺子同白菜猪肉饺子。牛肉大葱饺子好味啲，牛肉味浓令大葱味无咁出，不过整体都尚可。白菜猪肉饺子比想像中失色，因为猪肉好散，而且唔够味，有进度空间。现磨浓豆浆 $10入口有豆味，可能写浓豆腐我以为个口感会浓郁啲，甜品稍稍不足但健康。