林記點心

营业中

休息中

而家手工点心买少见少，难得呢间小店仍然坚持凌晨时段开工做点心，阿姐话佢凌晨四点钟开工佢都唔系话唔得人惊，真心敬佩。因为坐得远，阿姐好好人话攞啲点心俾我哋慢慢拣，佢攞咗八样，我哋两个人就话全部要晒，费事咁重叫佢攞嚟攞去啦，本来仲想叫肠粉，不过阿姐话食晒先再叫，如果唔系冻咗会冇咁好食，真系细心。咁多样嘢之中最好食系虾饺，细细粒，饺皮够薄，有时WU系好钟意食𠮶啲巨型虾饺，食咁大粒虾不如我直接食鲜虾好过啦，虾饺就系虾肉笋丝同埋胶皮嘅混合味道。烧卖都唔错，传统烧卖上面加啲蟹籽，馅料捞得唔错。鹌鹑蛋烧卖都OK，最主要系入面粒肉新鲜弹牙唔会霉霉地嘅感觉。山竹牛肉、凤爪同埋鲜竹卷就正常水准，都好食嘅。鸭脚炸旧芋头就唔够粉，鸡扎无啦啦加条蟹柳就有啲奇怪。整体唔错，可以encore。