影片
更多
2015-09-06
228 浏览
白莲蓉包，我其实好少食包，怕太易饱肚食得唔够多野啰！胃食既人会好 down 架。不过今次见佢肌肤幼滑，白雪雪，即管试试。揸上手热辣辣又软垫，用力摙吓佢仲好有弹性，手感一流，有啲揸到上瘾咁，停唔到手。都系唔好再玩喇，要趁热食，摵开一探究竟。好香莲蓉味呢！莲蓉入口幼滑够浆口，清甜不呛，我唔食甜既都觉得满意，如果包皮再薄一点就更开心啦！潮州粉果，见到 display 好靓仔㖞，就试试您啦！馅料清香爽甜，咽韧带滑既果皮包著粉葛、西芹、肥猪肉、等等，混为一体，整粒豪快地啪入口，塞得嘴巴胀胀的，劲开心！食前先将晓厨自家辣椒渣堆满粉果，一啖一只，香辣甜美又刺激，爽乎！豉椒蒸排骨饭，儿时情意结，非常传统既排骨蒸饭，由我懂性幼稚园食到依家，快靓正又经济又饱肚，好适合港人忙碌既生活，节奏急速既社会。少量豆豉香而不浊，最怕一大堆。再添几丝红椒作点缀，微微辛辣带甜，跟排骨饭捞得均匀更加惹味。轻轻洒上甜豉油，开饭喇！饭香扑鼻，食欲大增，一啖又一啖，一啖又一啖，不需犹豫！香煎腊味萝卜糕，试完个顶级排骨饭后，要平伏一下兴奋既情绪，黎个传统萝卜糕。即叫即煎热辣辣，两面煎得金黄，微㶶香口。食落清清淡淡略带萝卜原味，仲食
白莲蓉包，我其实好少食包，怕太易饱肚食得唔够多野啰！胃食既人会好 down 架。不过今次见佢肌肤幼滑，白雪雪，即管试试。揸上手热辣辣又软垫，用力摙吓佢仲好有弹性，手感一流，有啲揸到上瘾咁，停唔到手。都系唔好再玩喇，要趁热食，摵开一探究竟。好香莲蓉味呢！莲蓉入口幼滑够浆口，清甜不呛，我唔食甜既都觉得满意，如果包皮再薄一点就更开心啦！
潮州粉果，见到 display 好靓仔㖞，就试试您啦！馅料清香爽甜，咽韧带滑既果皮包著粉葛、西芹、肥猪肉、等等，混为一体，整粒豪快地啪入口，塞得嘴巴胀胀的，劲开心！食前先将晓厨自家辣椒渣堆满粉果，一啖一只，香辣甜美又刺激，爽乎！
豉椒蒸排骨饭，儿时情意结，非常传统既排骨蒸饭，由我懂性幼稚园食到依家，快靓正又经济又饱肚，好适合港人忙碌既生活，节奏急速既社会。少量豆豉香而不浊，最怕一大堆。再添几丝红椒作点缀，微微辛辣带甜，跟排骨饭捞得均匀更加惹味。轻轻洒上甜豉油，开饭喇！饭香扑鼻，食欲大增，一啖又一啖，一啖又一啖，不需犹豫！
香煎腊味萝卜糕，试完个顶级排骨饭后，要平伏一下兴奋既情绪，黎个传统萝卜糕。即叫即煎热辣辣，两面煎得金黄，微㶶香口。食落清清淡淡略带萝卜原味，仲食到有萝卜粒添。少少腊肠、少少腊肉，沾上大量辣椒酱更添风味！
淮山杞子虫草花炖鸡汤，样样都系补，补一补，身体自然好！鸡汤味香浓，汤汁一滴不漏尽收肚里。汤渣都无得幸免，淮山杞子虫草花全部食得，只剩低鸡件同瘦肉，好味！足足有两碗汤呢，开心开心。
养颜姜汁糕，饱饱又到甜品时间，从来未食过姜汁糕，咩黎架？晓厨暂时唯一供应既甜品。新鲜出炉，咬返啖先。质感好似年糕啊，清爽甜味不过浓，就算我唔好甜品，都觉得唔错。点点姜味够醒神，黏黏咽韧口感，食得过。
张贴
