影片
更多
2009-03-05
398 浏览
大乡里出城，第一次入嚟愉景湾，老实讲环境真系几恬静，住宅发展得又比较有系统，配套又足，来往中环嘅船期都算密，算方便，唯一系船费贵，成$27一程，一来一回真系未见官先打八十！好彩，在D Deck部份食肆每满$100就送番一张船飞，算系交通津贴！入去前睇均所有食店嘅食评，有几间想去试但又未有食评，稳阵D拣咗韩一馆，见俾佢嘅评语都正面D！星期六1:00pm去到韩一馆，因为大部份窗口位都拉咗帘，搞到间嘢幽幽暗暗咁，叫有D气氛啦。虽然小弟极之少食韩国菜，真系唔系好知价，但个人觉得佢D定食都唔平，平均$90个咁上下，其实基本上佢个菜牌都系散叫嘅，不过，加多十零廿蚊就会变为定食喇。叫咗2个定食：「韩式辣海鲜汤手打面」（$90）同「韩式传统石头牛肉饭」（要牛肉，亦可拣鸡肉）（$95），另外加个凉拌「拌蚬肉海带」（$68），之前惊唔够食，原来个定食同个凉拌都好足秤，两公婆食晒D嘢差D可以连晚饭都唔晒食呀！太饱喇！因为系定食，每客都附送3款韩式前菜及例汤，本应跟白饭，但我哋一个系手打面，一个系石头饭，就唔再跟白饭喇，俾埋你都食唔晒啦。而6款前菜每款不同，包括有传统泡菜、莲藕、野菌、磨菇、青瓜…等，款款都各
星期六1:00pm去到韩一馆，因为大部份窗口位都拉咗帘，搞到间嘢幽幽暗暗咁，叫有D气氛啦。虽然小弟极之少食韩国菜，真系唔系好知价，但个人觉得佢D定食都唔平，平均$90个咁上下，其实基本上佢个菜牌都系散叫嘅，不过，加多十零廿蚊就会变为定食喇。
叫咗2个定食：「韩式辣海鲜汤手打面」（$90）同「韩式传统石头牛肉饭」（要牛肉，亦可拣鸡肉）（$95），另外加个凉拌「拌蚬肉海带」（$68），之前惊唔够食，原来个定食同个凉拌都好足秤，两公婆食晒D嘢差D可以连晚饭都唔晒食呀！太饱喇！因为系定食，每客都附送3款韩式前菜及例汤，本应跟白饭，但我哋一个系手打面，一个系石头饭，就唔再跟白饭喇，俾埋你都食唔晒啦。而6款前菜每款不同，包括有传统泡菜、莲藕、野菌、磨菇、青瓜…等，款款都各有特色，味道也调配得很好，有咸有甜，有辣有酸，令味蕾有唔同食味嘅感受，已为一餐嘅开始带嚟惊喜，特别钟意个酱油莲藕，口感好特别，有别于平时食莲藕嘅爽脆，取而代之系一种柔韧感，但莲藕被酱油腌得好入味，微微哋甜味，好有趣嘅前菜！惊喜未完，初时以为个例汤都系一般普普通通嘅萝卜清汤，饮落先知有料到，萝卜清甜无渣，最正系个汤底，牛骨汤引出朕朕牛肉香！再嚟多个惊喜，就系个拌蚬肉海带，因为D海带切我幼细，食落好爽脆，有D似食海蜇，但就多咗朕海水味，而且劲多蚬肉，好似食极都有，又肥大厚肉吓，亦几鲜甜，再者配上浓香嘅芝麻酱汁，一流！
韩式辣海鲜汤手打面其实唔多辣，唔似经验所知个种韩国辛辣，所以对我唔嗜辣嘅人就有D「喜出望外」，而海鲜配料又非常足，有青口、鱿鱼、虾……等，不过D手打面自觉一般，唔系爽口个类；至于韩式传统石头牛肉饭叫做稳打稳扎，够惹味，附合预期所以无咩惊喜，个石头窝好够热，但做出哩嘅饭焦反而唔够焦香，感觉差咗少少！
张贴
