影片
更多
2021-01-15
558 浏览
我好钟意呢间嘅手拉面，食咗一两年？因为好钟意去深圳食兰州拉面（唔正宗𠮶啲，我通常叫盖浇面；正宗嘅应该系兰州牛肉面，仲要一定系食汤面）唔再返大陆食嘢，有时真系好挂住手拉面弹牙既感觉，揾到呢一间。之前成日都去大马路个间，我通常11:00正就入去，之后呢个时间再去成日见佢拉住闸，原来佢新年之后改咗12点。时间唔再啱先嚟呢一间。酸菜鱼有骨，食得好麻烦，同埋有少少腥，之后冇再叫呢个𩠌。猪大肠只食过一两次，都系偏硬个种，冇再叫。因为费事同唔肯定佢有冇改善或者改良过，我自己就唔钟意食硬身嘅猪大肠。之后都叫燕子饺，因为出边少见，我又少食。之后次次都叫呢个😂。食到啲阿姐认得我，有次佢仲讲你次次都叫呢个😅。好尴尬。因为食太多食到闷，后来就改叫鸡翼。因为干炸啲鸡翼，好咸香，又索埋啲汤几好味。依间系我成日个心会谂住谂住，计埋等车时间可能要个半钟来回，为咗食一碗面。有时食厌咗会停一排，但唔厌𠮶阵时基本系每个星期去一次。发记有大闸蟹卖既时候去得仲密，（有时会转下口味食伤心酸辣粉或者川菜）。有蟹拎返去嘅时候就觉得车程更加值得，真心想间野开喺楼下。有时想食呢间嘅面，但又book咗啲要book好耐嘅餐厅，咁点都要去𠮶啲
我好钟意呢间嘅手拉面，食咗一两年？因为好钟意去深圳食兰州拉面（唔正宗𠮶啲，我通常叫盖浇面；正宗嘅应该系兰州牛肉面，仲要一定系食汤面）唔再返大陆食嘢，有时真系好挂住手拉面弹牙既感觉，揾到呢一间。之前成日都去大马路个间，我通常11:00正就入去，之后呢个时间再去成日见佢拉住闸，原来佢新年之后改咗12点。时间唔再啱先嚟呢一间。
酸菜鱼有骨，食得好麻烦，同埋有少少腥，之后冇再叫呢个𩠌。
猪大肠只食过一两次，都系偏硬个种，冇再叫。因为费事同唔肯定佢有冇改善或者改良过，我自己就唔钟意食硬身嘅猪大肠。
之后都叫燕子饺，因为出边少见，我又少食。之后次次都叫呢个😂。食到啲阿姐认得我，有次佢仲讲你次次都叫呢个😅。好尴尬。
因为食太多食到闷，后来就改叫鸡翼。因为干炸啲鸡翼，好咸香，又索埋啲汤几好味。
依间系我成日个心会谂住谂住，计埋等车时间可能要个半钟来回，为咗食一碗面。有时食厌咗会停一排，但唔厌𠮶阵时基本系每个星期去一次。发记有大闸蟹卖既时候去得仲密，（有时会转下口味食伤心酸辣粉或者川菜）。有蟹拎返去嘅时候就觉得车程更加值得，真心想间野开喺楼下。
有时想食呢间嘅面，但又book咗啲要book好耐嘅餐厅，咁点都要去𠮶啲餐厅嘅😵。
啲面真系好弹牙，好味。完全系南方唔兴食开既面质。
我自己上网都睇过好多条片，仲买埋篷灰（买咗但系放到过晒期都未郁手😂😂😂）返黎想自己试下，问题系要拉面，开拉到既面，旧面团唔止一两人分量，同埋咁辛苦咁多步骤，我都系牺牲时间搭车去，再比多50蚊食一碗啦。😅
咁样系大辣。佢嘅大中细辣好痴线。我自己嚟讲，食川菜叫𩠌一定叫大辣。谭仔三哥就叫糊辣嘅小辣；伤心酸辣粉就叫小辣，口水鸡就叫大辣。我大约系咁嘅食辣程度。
呢间野中辣系唔辣嘅，但系大辣有时系辣到痴线。好似正常大辣系100分。呢间嘅中辣系30分（问题应该系五六十分），但系佢嘅大辣可以去到150至200。我就成日辣亲，下一次叫中辣，又觉得辣得唔满足，又再叫大辣咁样循环落去😂😂😂。
咁叫中辣
有次坐低先话冇手拉面，反正未喺呢一间食过刀削面同又唔好意思走，逼住叫佢早餐嘅刀削面。我真系唔钟意，咬咗两啖鸡翼同蛋，食咗几条面就买单走咗。呢啲真心个人口味，通常去到𠮶度我见到几大嘅比例都系叫刀削面。
同埋通常我11点就到，佢早餐卖到11:30，都几多人喺呢间野食港式早餐😂😂😂
同埋呢度嘅嘢，刀削面同埋手拉面系储单咁样出，有时坐低5分钟就有，有时坐低，出咗两次刀削面都未到手拉面，我出声追，（扮追下，因为知道佢师傅都系轮流整，只系提下佢）跟住佢就会好唔好意思咁话嚟紧嚟紧㗎啦🤣
我食咁多次，真系知道佢嘅流程。
果次系坐足20 至25分钟，因为当时可能只有一碗至两碗嘅手拉面要等佢整左劲多单既刀削先。（个时爆场又劲多外卖😵）
总之听到佢喺度拍拍声，挞紧面团，基本上5分钟就上到枱。
大辣
大辣，算无咁癫既程度
辣到癫左既大辣，系辣到头痛，下次要叫返中辣既程度。系咁片都仲有油😵
中辣，又系唔辣
张贴
