影片
更多
2022-12-02
1986 浏览
餐厅10:30am开门，平日准时黎到，系食唔到第一轮嘅。建议大家预早15-30分钟排，如果唔系就要等到第二轮啦(入座限时90分钟)。好彩当日有人早食完~11:15am就入到。当然大家都可以打电话book枱，不过就可能要等到一两个月后先有得食餐厅环境阔落，唔会搭枱之余，枱与枱之间仲有大大块透明板，都几有自己嘅空间。佢地定期都会转menu，仲有唔少我未食过嘅怀旧点心！真系每次去都会有惊喜！点心整体质素唔错之余，份量十足，绝对系回头之选！💰茶钱：$18/位💰点心：小$33/中$36/大$40/特$43/顶$46▪️嘴炮包 $40(大点)一摵超爆浆！奶黄流沙装得满满，极之流心！包体软熟湿润带弹性，内馅起沙但蛋黄咸香偏淡。几钟意包面印有嘅搞鬼字样▪️冰花蛋球 $33(小点)超大个！一上枱完全吓亲！沙翁外层带点厚度，相当酥脆，内𥚃湿润软绵带蛋香，食落无想象中咁甜㖞！▪️第一叉 半份$158叉烧极之厚切！虽则用上梅头肉，肉质软腍，但呢个厚度真系少难咬。叉烧有少少㶶边效果，略嫌肉质少鞋同偏瘦左啲，胜在唔会太甜同份量十足。▪️鲜肉烧卖-四粒 $46(顶点)鲜肉加上大大粒冬菇，肉味十足之余，带点弹牙口感，无一般斋
餐厅环境阔落，唔会搭枱之余，枱与枱之间仲有大大块透明板，都几有自己嘅空间。佢地定期都会转menu，仲有唔少我未食过嘅怀旧点心！真系每次去都会有惊喜！点心整体质素唔错之余，份量十足，绝对系回头之选！
💰茶钱：$18/位
💰点心：小$33/中$36/大$40/特$43/顶$46
▪️嘴炮包 $40(大点)
一摵超爆浆！奶黄流沙装得满满，极之流心！包体软熟湿润带弹性，内馅起沙但蛋黄咸香偏淡。
几钟意包面印有嘅搞鬼字样
▪️冰花蛋球 $33(小点)
超大个！一上枱完全吓亲！沙翁外层带点厚度，相当酥脆，内𥚃湿润软绵带蛋香，食落无想象中咁甜㖞！
▪️第一叉 半份$158
叉烧极之厚切！虽则用上梅头肉，肉质软腍，但呢个厚度真系少难咬。叉烧有少少㶶边效果，略嫌肉质少鞋同偏瘦左啲，胜在唔会太甜同份量十足。
▪️鲜肉烧卖-四粒 $46(顶点)
鲜肉加上大大粒冬菇，肉味十足之余，带点弹牙口感，无一般斋得肉咁腻同咁实。
▪️纸包骨 $46(顶点)
第一次食纸包骨！原来系将牛油纸包住啲肉 再放入滚油到炸。肉质软腍多汁，好入味！仲夹杂左啲蒜香，几好食㖞~
▪️怀旧煎糯米鸡 $43(特点)
糯米鸡味道同一般无大分别，不过外层就煎得焦脆，同时内馅唔会太干，略嫌胡椒味偏重。
▪️擂沙汤圆 $33(小点)
汤圆外皮软糯，芝麻馅好流心，带沙沙口感。略嫌外皮偏厚左啲，芝麻馅味道相对无咁岀。
▪️古早味牛骨髓 $46(顶点)
西餐厅嘅牛骨髓就食得多，但茶楼嘅牛骨髓真系第一次食。口感软腍滑溜，自身牛味唔算好重，反而沙嗲味好浓郁！辣辣地几惹味
▪️一口金砖 $58
萝卜糕 外层香脆，咸蛋黄味几香之余，唔会太咸。不过萝卜糕就有少少粉，普通~
▪️鲜山葵海蜇头 $88
鲜山葵海蜇头
$88
90 浏览
1 赞好
0 留言
张贴
