幸福堂 (已結業)

话说黑糖珍珠类饮品我真系未饮过，因为每次都真系太多人排队啦！因为天气太热加上早放工所以忍唔住买返杯幸福堂黎饮!点左杯signature 既焰遇幸福，即系黑糖珍珠真鲜奶，朋友点左钻石女神 ，即玫瑰花瓣茶。我最钟意佢个黑糖珍珠系手炒，每粒珍珠都沾满黑糖浆，成粒珍珠都好入味，而且佢倒珍珠都好有技巧，会令成个杯边都cover到黑糖!有左黑糖，杯饮品唔洗再落其他糖都好够味! 奶味超香浓，又唔系死甜，果然系招牌!真材实料!玫瑰花茶系点完即整，即刻浸花瓣，所以要等等，但咁短时间浸，杯茶都够浓又有玫瑰香气，杯边好有心机咁砌左青柠，督左青柠酸酸地加埋个茶就非常清新!唔怪得个杯都要叫女神，感觉好养生，饮完会变靓d😂等紧期间周围望下，见到有求签，虽然唔信，但无聊就同朋友一齐玩下，抽完隔离仲有个百子柜咁既签箱睇签文，又好饮又有趣!因为成条街都系卖黑糖珍奶，建议大家真系睇清楚边间系正店，认住个炒黑糖珍珠既炉就一定冇错!😊👍🏻👍🏻