新東記火鍋店 (已搬遷) 新店位置

而家打边炉都好兴食和牛，黑毛猪果d，但食下食下始终都觉得打边炉用返本地牛最好食最match!! 咁啱知道尖沙咀开咗一间专攻本地牛嘅火锅店！就同朋友嚟试吓！原来呢度消夜有七折！如果下次行街行得夜左可以来食优惠边炉！我哋要咗海底椰猪骨汤底！分量十足！而且材料都好丰富！成个煲底都系海底椰！唔惊热气！配料都系地道嘅配料。我哋就系为咗呢一碟本地肥牛而来！果然好新鲜！牛肉味好香，脂肪分布又均匀！入口好弹牙！果然冇介绍错！蛏子都好鲜甜，估唔到份量有咁多！有𡁻口，好新鲜！木耳好爽口！珊瑚蚌好爽口好甜！好大！鲜鱼好玩又好味！自己决定长短，入口好弹牙，鲜鱼味都好香！鲜腐竹都好新鲜好滑。粟米好鲜甜多汁，芝士丸正常。皇帝菜同埋油麦菜够晒大盘！呢度打边炉确实不错！用本地牛打边炉始终最好！