樂怡小廚

营业中

休息中

街市呢间食肆系做街坊生意，位唔多，谂住嗌外卖返上楼食，但系个外卖等左好耐......起码成廿几分钟先有😓，等紧嘅时候，老板娘仲要出嚟连问我地几次几多位......都几无奈吓......终于忍唔住吹吓佢，见到我地order出咗嚟，叫佢先包我地嘅，又唔肯......又话要包左其他先，明明得我地晌度等紧，点解唔包左我地嘅先，唔识做又固执......仲见证佢同其他客人口角......叉烧柚子塩拉面叉烧几好味，汤底都清清爽爽，清新的柚子好啱夏天口味。D面就麻麻，硬得嚟唔系弹牙𠮶只，面本身都冇乜味，如果换左D面会好食好多。（唔记得影放落汤个样）😅滑蛋猪扒饭🐷几好，有日式家庭感觉，蛋够滑，不过炸猪扒可以再整得酥脆可口D。明明楼面有三个人，但系手脚好慢，流程有待改进。