麒藝館 (已結業)

今晚庆祝朋友生日去咗Times Square食中菜-麒艺馆，店面装修几雅致新派，令人感觉舒服又唔会太拘谨。点了他出名的无花果黑叉烧，上枱卖相非常精致有啲似西餐上碟，摆盘非常吸引，猪肉的确非常爽口，海鲜酱做得唔错，带甜嘅味道，毛花果酱中和了猪的油份，再加上旁边一些鱼子酱咸香的点缀，香味都算几吸引，可惜尺寸有啲细，食一碟都唔够。无花果片皮鸡二食，口感唔错，鸡皮做得香脆，放在法式包上面同吃，口感几精致，有点法国菜的感觉！二食叫了凉瓜炆鸡，鸡件走油得很嫩，加上凉瓜豆豉炆在一起，整个煲的味道都融合在一起，打开盖香气爆出来，加上鸡油的确非常惹味！唐酒汤走花胶蟹肉蛋白，花胶非常美味又唔会太黏口，淋在面的汁做得非常清爽，蛋白非常弹牙和花胶口感十分配合，互相辉映 。酱油日山和牛肉松炒饭，有牛肉松，炒过的松子，秋葵有点日式的味道，可惜饭不够干身-可能秋葵的关系，酱油味道变得不够突出。整体感觉算唔错，价钱装修都配合，其实好食嘅中餐真系好难，好要靠厨师嘅手艺，在铜锣湾来说是物超所值，一定再嚟帮衬！