扒王之王 (已結業)

我刚在西贡的扒王之王打算试佢个早餐, 其实之前都食过西贡间分店既午餐, 觉得算ok,所以今朝去试佢个早餐. 点知一坐低, 一个带眼镜的肥佬, 应该几高级既, 走埋黎加水俾我地, 咁我问佢"请问你地公仔面系唔系出前一丁?", 个肥佬只系望住我话: "下?", 跟住佢唔望我, 话"唔系", 咁我再问, "请问可唔可以转呀?" 佢居然好恶咁话:"我都冇出前一丁, 点转俾你呀", 跟住我当然立即起身走啦, 有冇搅错呀, 我全程好有礼貌, 句句有"请问", 佢就一贯唔想做的态度. 我番屋企已打算去佢个website投诉, 至发觉佢地冇既, 所以在呢度话俾大家知, 唔想受气, 就最好唔好去食喇!其实佢食物系ok既, 可惜服务就完全唔得, 咁就足以令我以后唔帮趁喇! 不过或者佢地唔希罕我地呢d 去食佢早,午餐的人啦!