影片
更多
2024-06-21
825 浏览
大家好，但系我食完觉得唔系几好。作为屹立香港30余年嘅老式香港西餐厅，佢完美咁代表左时下年青人对香港食物嘅刻版印象，难食。前菜！罗宋汤加蒜蓉包！坦白讲，几好饮，蒜蓉包都几脆，好味过扒X之王，冇咩好评价。$170大洋 红酒烩牛脸肉加牛脷 配菠菜面哗，讲起呢道菜我就有兴至啦！！先讲餐具啦，我觉得间野对只牛嘅软淋度太有信心啦，连把刀都唔比但系间野衰就衰在对只牛太过有信心，只牛居然唔比面，一身强横嘅筋肉，连块脸都充满筋肉牛脸肉！要食呢旧肉，你只能整旧叉起佢，好似野人咁食，因为D肉紧紧地锁死左起旧筋上面。想用叉或者匙羹扯D肉出黎？少年！你未免太睇少只牛同埋百味阁三十年嘅功力啦！接近4份3嘅牛脸肉都系筋，你呀妈个仔，纪晓岚黎都咬唔郁呀。‐-----------------------------‐-----------------------------菠菜面，生肖属牛、兔、羊嘅朋友有福啦，菠菜面嘅草青味将带大家体验起大草原食草嘅感觉，草(字面意思)！其实都唔系话好草青，不过当D红酒汁冇味𠮶时，就会更加feel倒佢𠮶浸草青味。‐-----------------------------‐----
作为屹立香港30余年嘅老式香港西餐厅，佢完美咁代表左时下年青人对香港食物嘅刻版印象，难食。
前菜！罗宋汤加蒜蓉包！
坦白讲，几好饮，蒜蓉包都几脆，好味过扒X之王，冇咩好评价。
$170大洋 红酒烩牛脸肉加牛脷 配菠菜面
哗，讲起呢道菜我就有兴至啦！！
先讲餐具啦，我觉得间野对只牛嘅软淋度太有信心啦，连把刀都唔比
但系间野衰就衰在对只牛太过有信心，只牛居然唔比面，一身强横嘅筋肉，连块脸都充满筋肉
牛脸肉！要食呢旧肉，你只能整旧叉起佢，好似野人咁食，因为D肉紧紧地锁死左起旧筋上面。
想用叉或者匙羹扯D肉出黎？少年！你未免太睇少只牛同埋百味阁三十年嘅功力啦！接近4份3嘅牛脸肉都系筋，你呀妈个仔，纪晓岚黎都咬唔郁呀。
‐-----------------------------‐-----------------------------
菠菜面，生肖属牛、兔、羊嘅朋友有福啦，菠菜面嘅草青味将带大家体验起大草原食草嘅感觉，草(字面意思)！
其实都唔系话好草青，不过当D红酒汁冇味𠮶时，就会更加feel倒佢𠮶浸草青味。
‐-----------------------------‐-----------------------------
牛脷，其实冇特别，一般货色啦，冇咩味，都算淋。
‐-----------------------------‐-----------------------------
$220大洋 鹅肝配牛扒 事前图
垃圾鹅肝，腥臭，明显唔知摆左几耐
垃圾牛扒，同扒X之王末期一样，唔知雪左几耐，D肥膏完美咁反映出佢极度唔新鲜。
咁嘅垃圾都够胆攞出黎比人食，系梁静茹比你嘅勇气？
事后图
搞唔掂
‐-----------------------------‐-----------------------------
甜点 咖啡炖蛋杯
冇咩特别，就系一般嘅难食
冇咩好讲，就系普通嘅劣食
冇咩点评，就系唔甜嘅甜品
总结
一间普通嘅西餐厅，攞碟咁嘅野出黎，收我咁样嘅价钱，我会骂，但系唔会为左佢写食评。
三十年嘅老字号，就要骂，骂得有几甘得几甘，三十年老字号比我几多期望，依加佢要食番我比佢嘅失望。
可能大家会不忿我起度贬低香港老字号，但真相总是伤人，呢一切系起我食完之后即时打出黎嘅，可能太过主观，可能太过受情绪影响，但呢一切，此时此刻嘅感情，系真实的，绝冇虚假的。
三十年嘅味道，一碟𩠌摆左三十年之后，系咩味道，佢未咩味道啰。
PS
间野唯一有味嘅系人情味，D店员几nice
PPSS
回想扒X之X嘅倒闭，彼时彼刻，恰如此时此刻
张贴
