影片
更多
2010-06-09
30 浏览
好记得系上星期五, 当人人都喺维园时, 师傅就一条友喺屋企, 而且夜夜都未食晚饭, 皆因早段唔多肚饿, 到肚饿时又唔知食咩好, 谂左一阵师傅觉得呢区可供选择唔多, 决定行远少少; 而师傅成日心思思想黎呢间食店, 于是就九点出发, 就黎呢间食店大吃一餐啦!由于师傅唔知咩位置, 所以抄低地址, 睇埋地图, 断估都揾到间食店喇; 点知出到去人生路不熟, 不断行不断兜, 但始终揾唔到; 可是师傅始终仍未心死, 继续行继续揾, 而师傅揾食呢种打不死嘅精神好比维园上嘅港人一样; 最后行到颠揾到颠, 终于比师傅揾到喇, 真系皇天不负有心人!去到食店已经接部十点三, 揾食之耐可想而知; 起初师傅都估可能会打烊, 幸好食店系收十一点, 于是拿拿声坐底, 即刻睇下有咩好食啦, 餐牌款式甚多, 颇吸引, 不过师傅立定心意, 一定要食拉面, 于是就柯打左套餐A, 套餐A有自选拉面一款, 三文鱼炒饭同埋八爪鱼丸, 一杯餐茶! 师傅就拣左吉列猪扒拉面, 配中度酸辣汤底!落左单当然要等一阵, 喺等嘅同时仲可以睇下电视, 欣赏下美思主演嘅电视剧, 令到等嘅时间唔算太耐, 感觉十分之好; 套餐A一次过将所有食物摆晒喺师
由于师傅唔知咩位置, 所以抄低地址, 睇埋地图, 断估都揾到间食店喇; 点知出到去人生路不熟, 不断行不断兜, 但始终揾唔到; 可是师傅始终仍未心死, 继续行继续揾, 而师傅揾食呢种打不死嘅精神好比维园上嘅港人一样; 最后行到颠揾到颠, 终于比师傅揾到喇, 真系皇天不负有心人!
去到食店已经接部十点三, 揾食之耐可想而知; 起初师傅都估可能会打烊, 幸好食店系收十一点, 于是拿拿声坐底, 即刻睇下有咩好食啦, 餐牌款式甚多, 颇吸引, 不过师傅立定心意, 一定要食拉面, 于是就柯打左套餐A, 套餐A有自选拉面一款, 三文鱼炒饭同埋八爪鱼丸, 一杯餐茶! 师傅就拣左吉列猪扒拉面, 配中度酸辣汤底!
落左单当然要等一阵, 喺等嘅同时仲可以睇下电视, 欣赏下美思主演嘅电视剧, 令到等嘅时间唔算太耐, 感觉十分之好; 套餐A一次过将所有食物摆晒喺师傅面前, 加上师傅十分肚饿, 呢个感觉好鬼满足; 于是师傅第一时间就试下个酸辣汤底, 酸辣汤底微微的酸, 浓浓的辣, 酸加辣混合喺口中感觉何其惹味, 何其抢口, 师傅连饮五至六啖, 仍未舍得停, 汤底令师傅真的十分欣赏!
再讲下拉面, 面身略嫌腍身, 如果能够煮得烟韧少少应该会更好; 配菜有海带, 粟米同芽菜, 海带够腍, 粟米香甜加上芽菜爽口唔腥,十分美味; 主菜吉列猪扒系用碟分开上, 感唔会放落碗拉面, 感觉十分之好, 而吉列猪扒炸得好脆, 脆而不油, 猪扒亦十分松身, 可惜干身少少, 但整体亦算不错! 至于三文鱼炒饭真的炒得热辣辣, 饭身十分干身, 味道亦可, 但就系唔多觉有三文鱼, 呢下师傅觉得有少少偷鸡; 至于八爪鱼丸有两大粒, 师傅觉得呢d八爪鱼丸同喺旺角买嘅𫠒鱼丸冇咩分别, 皮脆内热, 八爪鱼十分爽口, 但亦是干身少少, 如果可以比少少沙律酱相信会更好! 冻柠茶一般, 冇咩特别!
总括黎讲食物水准尚算不俗, 环境清洁干净, 服务态度亲切, 套餐四十七, 有饭有面而且份量唔少, 师傅都觉得几抵食! 幸好师傅有呢种打不死嘅精神, 先能揾到呢间食店,而食店亦冇令师傅失望而回, 是次最大发现系师傅觉得呢间拉面食店似米线食店多少少, 又酸辣又麻辣, 又可以自选𩠌去配拉面, 感觉十分有趣; 最后师傅觉得拉面比其他出色, 有机会仍会再黎, 笑脸可以一比!
张贴
