傳心廚意

营业中

休息中

最近去开荔枝角先知原来𠮶度除咗有得打室内高尔夫球之外，仲有一间餐厅等人可以一路打一路食！呢间餐厅质素都几唔错，选择非常之多～ 我哋就晚市叫咗一个套餐，包括咗一个沙律同埋汤。而主菜方面我哋就分别叫咗伊比利亚黑毛猪安配时令蔬菜，口感有啲特别，煎得比较香脆，肉质好嫩滑，而且所配嘅酱汁啱啱好，能够带出肉嘅香浓，而且蔬菜份量好多，整体味道好唔错！另外我哋仲叫咗鹅肝虾子捞面，呢个感觉好fusion～所以好好奇咁叫咗，又几意外地呢个系好好食！本身佢鹅肝已经煎得非常之香浓，而且蟹籽嘅味道都好出，咁样捞埋啲面嚟食，除咗食到油香味之外，仲可以食到香浓嘅鹅肝味道，口感几丰富！除此之外，佢哋仲叫咗意大利柠檬挞配焦糖啤梨。柠檬他本身看得好香脆，配合埋焦糖啤梨，中和柠檬嘅酸味。整体嚟讲我觉得呢间餐厅都好啱你打Golf嘅朋友仔之外，其实专登去食都好OK！食物质素唔错之余都唔算好贵，万事嚟讲都算好抵食～！