香港仔茶餐廳 (已結業)

正如题目所讲，打冷并唔系男人嘅专利，一班女仔或者女多男少都可以去打冷。 食物系冇男女之分嘅。打冷既话韭菜猪红一定必食， 呢间有出乎意料地入味，猪红好滑，韮菜冇渣。贪心嘅可以食卤水拼盘，乜都有齐晒。唔够再可以叫多碟红肠鱿鱼， 红肠入味，鱿鱼爽口。菠萝冰入面有大大粒菠萝， 绝对不计成本价， 抵饮。豉椒炒蚬𠮶水大碟， 八个人食都唔会唔够食。椒盐九肚鱼真心要推介俾大家， 炸到好松化，连骨都可以食埋。连扬州炒饭都咁用心， 用足料够火候，火腿虾仁叉烧大大粒， 原生菜都唔吝啬畀你。