紅伶飯店

营业中

休息中

平时想打冷第一时间就会谂起红伶，地点方便，位于油麻地站C出口附近，食物质素几好，如果一大班人黎食，就可以多啲选择。今晚两个人订左枱八点，订枱嘅时候已经预留咗一碟鹅片，因为第一次嚟食唔知道，所以冇留到冇得食，跟著每次都打电话留咗先。潮洲靓鹅片$159份量都几多，唔会太肥，食到啖啖肉，鹅片下面仲有卤水豆腐，同卤水花生，配埋辣椒酱好食。椒盐九肚鱼$119炸得几香，送啤酒一流，有好多细的鱼骨刺，食嘅时候要小心。菜心炒鲜鱿$129呢个啲鱿鱼有啲韧，菜心如果系用菜心苗会更好。潮州白粥$15碗唔够热，冻左少少。Sapporo啤酒$33系一大罐，两个人饮刚好。