九記潮州打冷菜館 (已搬遷) 新店位置

一谂起食蚝饼就梗系一定要去食打冷咁先原汁原味，不过都要去D老字号铺头帮衬咁先有信心保证，就前晚去旺角呢度开饭入到去已见满座就知得唔得，仲有几多后生仔女去食添，我都点番几款人气美食，而且仲4人同2人套餐提供价钱实惠又抵食，我都唔执输叫咗2人套餐，再点埋其他菜式一同品尝唔少得叫枝啤酒一边饮一边食咁先至有feel，先来有韭菜猪红同肉碎蚝仔粥食住先，先食番啖热辣辣既粥再落少少胡椒粉，食到蚝仔啖啖鲜味又多汁再加上肉碎就咁食已经好好食，再食旧猪红入囗香滑爽弹口感十足，点埋辣椒油食更惹味其后梗有卤水拼盆一次过又可以食到不同特色食物鹅肠、墨鱼、金钱肚、牛柏叶、猪头肉、香肠同生肠食得够滋味再来轮到套餐头盘有鹅片入口肉质嫩滑带点脂肪香甜食落啖啖肉另一款系潮州煎蚝饼，煎得金黄香脆而主角蚝仔肉质饱满又大粒，再连埋碗白粥一齐食已经好满足，跟住仲有西兰花鲜鱿同胡椒猪肚咸菜粉肠汤够晒丰富又满足到食欲又咁快品尝完一餐潮州美食。