拳王泰國餐廳 (已結業)

拳赛系泰国系好热门嘅运动 ，经过铜锣湾广场，发现有间以泰拳为主题嘅餐厅 ，附近又有拳馆，练完拳去呢间餐厅食野都唔错 。餐厅门面装修好靓，放左几个金腰带，又有好多美食相 ，经过见到就吸引左入去  。店内装修特别，感觉置身于擂台 ，场中有电视播住拳赛，一路食野一路睇刺激嘅比赛，特别兴奋 。坐位又好有特色，设计成沙包嘅外形 。系泰国好出名嘅食物 -- 飞天通菜，通菜炒得好香，好爽口，新鲜又嫩绿 ，加左些少虾米，令口感更突出 ，唔会只系得通菜单调。泰式猪颈肉好野味，切到薄片，烧得好鲜甜，好烟韧 ，不用点酱汁已经好多肉汁，好入味 。去食泰国餐，点都会叫个椰青 ，有得饮椰汁，又可以食埋椰子肉，椰青开得好靓，好新鲜 。平时好钟意食甜品千层糕 ，呢个班兰千层糕有花边，卖相好靓，加些少椰汁系糕上，淡淡嘅班兰味，又唔会被椰汁完全盖过 ，好有弹性嘅质感，弹牙烟韧 ，与强硬性嘅拳击比赛有著强烈对比 。