影片
更多
2022-01-18
967 浏览
啱啱嘅平安夜拣咗喺大馆嘅Chinese Library。点解会识都系因为见到好多人po story，见到几啱打卡所以就嚟了😌🥳原先都冇为意，直到佢send msg嚟先发觉原来佢同aqua同group。𠮶下心知不妙，因为上次去aqua完全系terrible experience，嘢食完全系。。。所以今次都冇咩点抱期望😂今次虽然系平安夜节日时段嚟食，但佢都冇特别加价或者迫我哋食set，仲可以叫a la carte，所以呢样都加分啦👻鱼香炸茄子最初好好奇本身系湿嘅鱼香茄子点样拎去炸。一上碟：「哦！原来系咁！🤣」都要讲番句，茄子炸得好好食！系好似平时食椒盐豆腐𠮶种炸法，层皮极薄劲香，呢个煮法系几夹茄子嘅。之不过面头啲肉碎就，少咗啲！同埋dry咗啲！感觉食紧两样唔frd嘅嘢😂不过，呢个摆盘打卡一流！点心拼盘感觉上似系fusion嘅一个点心。首先有喇沙小笼包，喇沙味好浓一食食得出，但个人认为唔太夹。跟住有赛螃蟹鳕鱼饺，呢个系几有惊喜同几高级嘅一个点心嚟嘅，不过唔太明点解个皮变咗橙色，可能靓啲！最后有黑松露虾饺，呢个黑松露味好香好浓，同虾饺味道配合得好好，食材都总算对得住呢个价钱🤣🤣珊瑚菊花豆腐+冬
原先都冇为意，直到佢send msg嚟先发觉原来佢同aqua同group。𠮶下心知不妙，因为上次去aqua完全系terrible experience，嘢食完全系。。。所以今次都冇咩点抱期望😂
今次虽然系平安夜节日时段嚟食，但佢都冇特别加价或者迫我哋食set，仲可以叫a la carte，所以呢样都加分啦👻
鱼香炸茄子
最初好好奇本身系湿嘅鱼香茄子点样拎去炸。一上碟：「哦！原来系咁！🤣」都要讲番句，茄子炸得好好食！系好似平时食椒盐豆腐𠮶种炸法，层皮极薄劲香，呢个煮法系几夹茄子嘅。之不过面头啲肉碎就，少咗啲！同埋dry咗啲！感觉食紧两样唔frd嘅嘢😂不过，呢个摆盘打卡一流！
点心拼盘
感觉上似系fusion嘅一个点心。首先有喇沙小笼包，喇沙味好浓一食食得出，但个人认为唔太夹。跟住有赛螃蟹鳕鱼饺，呢个系几有惊喜同几高级嘅一个点心嚟嘅，不过唔太明点解个皮变咗橙色，可能靓啲！最后有黑松露虾饺，呢个黑松露味好香好浓，同虾饺味道配合得好好，食材都总算对得住呢个价钱🤣🤣
珊瑚菊花豆腐+冬蓉蟹肉羹
我嘅感觉系：啱打卡😂个豆腐之所以叫珊瑚系因为佢幼切到好似珊瑚😳😳呢个位真系劲考刀功，一个唔觉意切烂咗就冇了🤭话虽如此，个汤底真系普通咗少少，同饮面豉汤冇咩特别，欠缺特色。至于蟹肉羹，味道可以，蟹肉都足够唯独唔知啲冬瓜去咗边🤣百零蚊到一碗呢个汤真系有点贵😪😪
葱油脆皮鸡
哗！真心呢个正！觉得系全晚highlight！脆皮本身已经吸引，但想讲佢系连层鸡皮都片咗落嚟落炸，整得好脆好干身，会忍唔系咁食！而下面嘅鸡肉佢都系选择咗去骨手撕嘅方法上，几贴心。至于葱油，佢有别平时另上嘅模式，系将啲葱油捞埋入啲鸡肉到，务求做到啖啖葱油。老实讲，系细心位嚟，不过应该要预先同客人讲定呢个煮法，如果咁啱遇着一个唔食葱嘅客人，咁就惨了🤭
金沙海鲜炒饭
呢个饭都系冇伏嘅！睇个样都知😍饭炒得好干身，粒粒分明之余仲包住咸蛋黄，好香好易入口，仲有带子粒，用嚟送碟鸡好正！不过太大碟，两个人食唔哂，多人一齐食会开心啲！
P.S.呢度嘅冷气太冻，个人又冻啲嘢食又好快冻，好彩有得影靓相，真系食环境😪
张贴
