PARKSIDE@NINA

营业中

休息中

PARKSIDE 呢间餐厅真系未食野先食环境咁岩侍应安排坐系楼底高既位置。楼底极高，圆拱型天花设计加埋巨型玻璃，布置好有格调，墙上挂左唔同既画，完全放松劲享受。龙虾泡沫浓汤 $98汤底好浓郁，龙虾肉鲜嫩弹牙。加埋泡沫个口感多一份层次，饮啖好醒胃。经典牛肉汉堡 $168睇相都知个包size 劲大劲足料，牛肉煎得岩岩好, 高质多汁，加埋番茄同洋葱，一口都咬唔晒！另外配埋薯条，外脆内软。仲有配埋酸菜解腻，色香味都有，食完已经饱左7成。特色木化石朱古力饼 $78最后叫左款甜品，整得好精致，严格黎讲唔只系饼，直程系糕点咁，好好食，朱古力味好浓但系唔会好甜好流，对于唔食得太甜既我岩岩好。