一盞燈 (已結業)

好开心公司附近开左新咖啡店，今日long lunch一于同同事去试下。一入到餐厅，好大好宽敞，坐位唔算多，每张枱之间都有充裕空间，私隐度十足。餐厅播放住好禅嘅音乐，令人觉得好放松好舒服。讲返野食，餐牌上面有好多得意名嘅野饮，我就叫左杯好玄嘅mocktail - 「一念一清静」，即系热情果薄荷乌龙。因为天气都有少少热，同事叫左杯士多啤梨沙冰。我地两个女仔比较细食，所以叫左一个沙律同burger share食。有机三色藜麦牛油果野菜沙律 - 清新好味，色彩缤纷，而且好健康，岩哂OL。和风吉列豚肉汉堡配香草薯条 - 呢个汉堡有惊喜，块豚肉大到飞哂出黎，大件夹抵食。薯条加左香草，睇得出大厨好有心思。餐厅宜家仲系试业中，听经理讲之后可能会出更加多野食同埋套餐，期待下次再帮衬。