影片
更多
2024-01-29
81 浏览
衬住Halloween 🎃同班friend出嚟玩番晚，之后再过咗嚟又一城食饭。 今晚大家都想食下韩国嘢，见到间新开嘅餐厅，我哋拣咗坐门口位置，可以一边食嘢，一边睇住啲途人嘅Halloween 造型。餐厅职员个个都戴住顶橙色橘子帽好有趣，Reception 姐姐仲不时都会同路过嘅小朋友玩trick or treat，感觉好亲切☺️。 首先职员送上餐前小食韩式鱼片同埋酸萝卜。 韩国蛳蚶拌饭餐牌整到好似报纸咁，头版就系介绍韩国蛳蚶拌饭，我哋就即管试下呢个啦，我都系第一次试蛳蚶，食落味道有啲似蚬肉咁，有啲鲜味。成个饭都系橙红色，有微微辛辣味，都几开胃。除咗蛳蚶，仲有几只虾都几爽口。呢个饭仲有另一个食法可以包紫菜食，又系另一种风味。 水原式牛肋骨酱无骨炸鸡半份🐔食韩国菜叫炸鸡是常识吧，我哋叫咗半份都几大份，而且无骨啱晒懒人食用。炸鸡炸得金黄香脆，粉浆唔算厚，鸡肉亦好juicy。再加埋两种酱汁（芝士乳酪同茄汁），味道更滋味。 梦幻雪糕布朗尼🍫卖相吸引，表面加咗Oreo、士多啤梨同埋食用花。朱古力味道香浓，唔会太甜，软硬度适中，保持到布朗尼应有嘅硬度。切开布朗尼系云呢拿雪糕同忌廉，再加埋咖啡酱汁，绝对
衬住Halloween 🎃同班friend出嚟玩番晚，之后再过咗嚟又一城食饭。
今晚大家都想食下韩国嘢，见到间新开嘅餐厅，我哋拣咗坐门口位置，可以一边食嘢，一边睇住啲途人嘅Halloween 造型。餐厅职员个个都戴住顶橙色橘子帽好有趣，Reception 姐姐仲不时都会同路过嘅小朋友玩trick or treat，感觉好亲切☺️。
首先职员送上餐前小食韩式鱼片同埋酸萝卜。
韩国蛳蚶拌饭
餐牌整到好似报纸咁，头版就系介绍韩国蛳蚶拌饭，我哋就即管试下呢个啦，我都系第一次试蛳蚶，食落味道有啲似蚬肉咁，有啲鲜味。成个饭都系橙红色，有微微辛辣味，都几开胃。除咗蛳蚶，仲有几只虾都几爽口。呢个饭仲有另一个食法可以包紫菜食，又系另一种风味。
水原式牛肋骨酱无骨炸鸡半份🐔
食韩国菜叫炸鸡是常识吧，我哋叫咗半份都几大份，而且无骨啱晒懒人食用。炸鸡炸得金黄香脆，粉浆唔算厚，鸡肉亦好juicy。再加埋两种酱汁（芝士乳酪同茄汁），味道更滋味。
梦幻雪糕布朗尼🍫
卖相吸引，表面加咗Oreo、士多啤梨同埋食用花。朱古力味道香浓，唔会太甜，软硬度适中，保持到布朗尼应有嘅硬度。切开布朗尼系云呢拿雪糕同忌廉，再加埋咖啡酱汁，绝对品尝到唔同层次嘅味道。
士多啤梨蜜糖窝夫🍓
一上台卖相同份量非常澎湃吸引，好彩我哋有留肚食甜品。窝夫外脆内软，加上红蓝莓、士多啤梨，配合埋士多啤梨蜜糖汁，酸酸甜甜，令成个窝夫都好好味😋。
济州柑橘乳酪🍊
呢度嘅饮品真系好啱打卡，成个橙放喺杯顶，睇落去好funny，柑橘味浓，酸甜适中。
抹茶柑橘蜜露冰🍵🍯
抹茶柑橘嘅沙冰，饮完成个人都好冰凉。抹茶味道唔算好浓，相对柑橘蜜比较突出，两者味道配合得恰到好处。
张贴
