Stickhouse (已結業)

成日行行下街都会间唔中见呢间雪条店，商场店舖模式、商场小摊 - 售卖车，甚至我去泰国旅行都见到。有一日经过见到无平时咁多人排队就的起心肝一试，同朋友一人一条孖住食，打个卡都好嘛佢啲雪条真系好多款好多味 花多眼乱，选择困难症既我真系觉得好痛苦 因为全部都想试下。又怕食咗啲普通味 又怕食咗啲好伏既味，最后我拣咗芝士蛋糕味而我特别既位系，我选择唔浸啲朱古力酱 唔要求店员系雪条上画画（无可否认啲店员真系好劲！画啲公仔同创意真系令人佩服 见到都开心），都无加toppings，因为我想食佢既原味由于佢系雪条既关系，都有一定程度既硬度，啲芝士味配合啲口感 好似食紧比正常硬少少既New York Cheese Cake咁。然而佢既味道真系做得好似，完全唔似食紧雪条咁简单，加上我好中意佢中间既士多啤梨 好似个心心系中间咁 简约美观；雪到硬咗既士多啤梨真系宁舍有口感，直头系爽口！即使我无加钱加任何既配料，店员都好有礼貌同笑容好亲切