Arcadia

营业中

休息中

今日同老公去左间铜锣湾靓靓打卡餐厅，餐厅位于30楼连天台，而天台亦有好多打卡位。可惜今晚打风，顶楼无开放，只可看看铜锣湾夜景同海景。虽然天台无开放，但室内都有多个打卡位，每个角落都几grand几靓。餐牌同样讲究，感觉华丽。老公发办，叫左个前菜，两款主菜同饮品。半壳纽西兰新鲜青口 (配多士)：青口新鲜，带鲜味，用白酒煮味道较香，配埋多士食又几夹。澳洲M3和牛肉眼：肉眼扒虽然比较薄身，但口感一啲都唔差，肉红红，牛味浓，唔韧，点埋牛扒酱都几好食。脆皮猪手配阿根廷奇米丘里青酱：猪手份量十足，上碟时以切开一旧旧，皮炸得香脆，猪手肥瘦均匀，点埋青酱一齐食，味道几特别。1千零1夜：signature cocktail之一，打卡之选，见到一千零一夜阿拉丁神灯，感觉去左童话世界。职员送上时会为佢点火，好梦幻，火熄左后神灯会出烟。cocktail有sake酒味，另外配上热情果汁同伯爵红茶，味道甜甜地，易入口，几啱女仔饮。Yuzu Party：cocktail用左vodka、柚子同小红莓汁等调制，带甜味，酒味慢慢浑发，老公话都几好。