SP Flower & Tea Room (尖沙咀中心) (已結業)

揾匿间餐厅因为见到网上食评好多照片都话环境好靓，所以都嚟试吓。下午茶有Tea set $398两位用，可以加$60有两件迷你蛋糕，有咩拣就要睇佢𠮶日有咩蛋糕啦。我地三个人可以share一个tea set, 佢唔系人头计收钱架。首先咸点觉得辣鸡芝士迷你汉堡好食，一啲都唔辣，佢只系有少少泡菜夹在中间。甜点就碟豆花柚子挞有啲酸。洋甘菊果香奶冻，日本抹茶橙香常温蛋糕同芒果芝士焦糖煎茶蛋糕都好味另外加两件迷你蛋糕本来想试草莓蜜树茶黑加伦子但当日无，所以拣黑加伦子热情果乳酪同黑芝麻红豆。原来黑芝麻红豆等于tea set里面的黑芝麻抹茶小丸子，所以如果食tea set就唔好叫匿个，可以试其他。另一个就觉得麻麻。Set包一杯花茶，其他饮品就半价。整体食物可以接受，但地方唔大，同埋打卡位唔多，我觉得系近门口既圆枱靓啲之外其他位好普通。我地系平日所以无咩人，刚到时安排一张最后窗位比我地，但我地最终都转出去圆枱，佢地都好好人帮我地转。