Arcadia

营业中

休息中

今日收工想同朋友去铜锣湾饮嘢，见呢间餐厅就系时代广场隔离，环境几好就上去试下。Long Island ＆ Whisky Sour🅰️🅰️🅰️🅰️🅰️嚟得饮嘢当然即刻叫两杯cocktail。长岛冰茶用可乐做底，甜甜地，酒味唔算浓，几啱我地女士饮（不过当然唔好饮咁快😂）。我朋友杯Whisky Sour好靓，我试饮左一啖，好劲酒味，甜味唔算出，不过沟埋几夹，但酒味劲，小妹饮一啖就够了😝，我朋友好酒就饮得好开心。生牛肉他他配十年陈醋+多士🅰️🅰️🅰️🅰️🅰️佢地黑松露味唔算浓，洋葱连埋陈醋酸酸辣辣几开胃，多士佢地用蒜蓉做面，有烘过，外脆内软，连埋软软绵绵嘅牛他他食就有多重口感，几唔错嘅前菜。之后我地叫左两个主菜：肉桂苹果鸭胸意大利饭🅰️🅰️🅰️🅰️🅰️意大利饭佢地做得几正宗，够硬食，唔会整到粥咁。鸭胸去左皮，应该系怕同个忌廉汁一齐食就会劲油腻，有呢个心思几抵赞。带子黑松露意粉🅰️🅰️🅰️🅰️意粉弹牙，无煮过龙，几好。菇味同忌廉汁好夹，同意粉有挂汁效果。略嫌带子其中一只有少少雪味，呢度扣左d分。呢度有唔少打卡位，窗外环境几舒服，几适合同朋友一齐食饭聚会，现场环境唔算静，倾计可以比较自在🥰@arcadia_restaurant_bar