熊小館

营业中

休息中

听个名已经知道是以熊仔做主题的餐厅，所以吸引左我黎打下卡，食下野。去到发现原来餐厅睇到溜冰场，可以一边食饭一边欣赏，这晚有比赛，但我们坐左入面，睇唔到，唔紧要啦！出嚟食饭都系想有个地方同朋友聚下姐。2人餐 $298罗宋汤+法包罗宋汤味道适中，啱饮。法包劲脆，咬得畅快😋牛油焗田螺薯蓉味道一流，田螺好食，仲好香牛油味。深海带子拼烧汁牛柳带子爽口，牛柳叫左五成熟，黎到切开刚好是我们想要的熟的程度，一啲都唔鞋，好淋，表面系煎香脆左，呢个牛正啊！芝士焗蜜桃汁去骨鸡腿饭个汁酸酸甜甜加上有蜜桃肉一齐食，带起胃口，鸡腿比蜜桃汁抢哂味道，食落冇鞋口，整体满意。甜品～云呢拿雪糕+朱古力心太软（加$18）心太软系热辣辣架～味道好正！朱古力控无法抵抗😜玫瑰花茶柚子（加$16）玫瑰花茶味及柚子味都饮得出来既，夹埋一齐又唔太差㖞！ok啦。士多啤梨灯汁（加$16）味道似四方啫喱，都ok既。