木子園 (已結業)

砂锅云吞鸡，好浓但冇味精既鸡汤，鸡肉好嫩滑，猪肉云吞入晒D鸡汤好juicy。即叫即整，大概20分钟，上菜时店员会帮手分汤分云吞，亦会夹起d鸡，鸡件唔多碎骨几好。最后清晒锅汤。松子鸡米 (配叉子烧饼)，少少辣好多蔬菜炒鸡肉粒，芝麻烧饼外壳脆脆的有d似薄既煎堆，之后再有匙羹将d馅放到外壳内，满满咬落去口感好有趣。豆沙锅饼，馅好多，D红豆蓉都好幼滑，外皮超脆。另外前菜有花生拍青瓜加黑醋，好开胃。呢度中式餐厅但靓靓打卡餐厅，中央D大圆卡位好舒适又系树下食，好有格调既晚餐。餐具茶具全部都好精致，一set 真系好靓。