Cafe Terrace (已結業)

同朋友行开尖沙嘴。想揾个地方high tea 讲下八挂野。适逢见到Openrice 呢间餐厅充满打卡位置，而且仲有三层嘅八婆下午茶添（明明叫贵妇下午茶🤣）。简直就燃起姨姨嘅粉红色少女心。最底层热盘，有芝士焗青口。味道唔错。芝士亦都落足。鸡肉串亦唔会好干身。值得一赞。鸡槌亦都啖啖肉。中层个三文鱼他他配鱼子好食，鸡尾酒虾，虾肉带少少酒香而且虾肉结实。蟹肉磨菇酥亦都好松软。上层就系甜品。冬甩🍩有惊喜，🍓中间有🍓酱，🍫中间有🍫酱，奶冻唔太甜，松饼就比较一般。Mocha味道唔错。Rose tea亦都好重玫瑰味。整体来讲打卡呃like一流，可惜我地去个日落雨又冻，而且坐室外。食完因为太冻而放弃疯狂打卡呃like。地点都唔难揾，喺海防道经海利行上楼梯一出就系。下次天气无咁冻一定会再去食。