影片
更多
2020-08-31
1158 浏览
呢日去开旺角Office开会，就顺便去弥敦道726大厦揾食。唔知系咪疫情嘅影响，呢日竟然唔驶等笠😂。呢幢大厦一向多嘢食就系人都知，但好多间我都已经试过，喺大堂见到有个花牌写住18楼有新餐厅开张，就做白老鼠试下。新餐厅叫「云魅」，即系食乜㗎呢🤔。无几耐就有位年轻女店员同我哋介绍，原来系食米线㗎。餐厅环境几清新，有啲竹林风🎋。可能因为新开，所以无太多食客好似我哋咁冲上嚟。午市餐牌暂时系定价$88嘅套餐，包一份前菜、主菜(汤底+面食)同埋饮品。由于新开张嘅关系，套餐有8折优惠，即系$70.4，抵👍！第一款前菜我哋要咗傣族手撕鬼鸡🐔，份量几多㖞，而且鸡肉白雪雪，无乜下栏位。味道仲好特别添，酸酸地，食得出系落咗青柠🍋，非常惹味，店员介绍呢个系傣族特色嚟！另一款前菜系凉拌莴笋丝，莴笋就几时都咁好食，口感爽脆，点煮都无得输。凉拌酱汁带点微微麻酸辣，好开胃🤤，另外仲有啲花生粒。主食嘅面底可以拣七彩面或者米线，我哋两个人就可以试哂两款。估唔到面食系分开上的😮，两款面上碟时已经渌好，之后先放落热汤到加热。斋讲面呢份量就唔算多，细细碗。🍜米线系平日𠮶种，无乜特别；而七彩面其实得三只色，不过口感唔错，挂汤一流
呢日去开旺角Office开会，就顺便去弥敦道726大厦揾食。唔知系咪疫情嘅影响，呢日竟然唔驶等笠😂。呢幢大厦一向多嘢食就系人都知，但好多间我都已经试过，喺大堂见到有个花牌写住18楼有新餐厅开张，就做白老鼠试下。
新餐厅叫「云魅」，即系食乜㗎呢🤔。无几耐就有位年轻女店员同我哋介绍，原来系食米线㗎。
餐厅环境几清新，有啲竹林风🎋。可能因为新开，所以无太多食客好似我哋咁冲上嚟。
午市餐牌暂时系定价$88嘅套餐，包一份前菜、主菜(汤底+面食)同埋饮品。由于新开张嘅关系，套餐有8折优惠，即系$70.4，抵👍！
傣族手撕鬼鸡
17 浏览
0 赞好
0 留言
凉拌莴笋丝
9 浏览
0 赞好
0 留言
主食嘅面底可以拣七彩面或者米线，我哋两个人就可以试哂两款。估唔到面食系分开上的😮，两款面上碟时已经渌好，之后先放落热汤到加热。斋讲面呢份量就唔算多，细细碗。🍜米线系平日𠮶种，无乜特别；而七彩面其实得三只色，不过口感唔错，挂汤一流。
云魅香辣汤
4 浏览
0 赞好
0 留言
云魅蕃茄汤
6 浏览
0 赞好
0 留言
上菜上到咁上下先知呢到嘅米线其实好特别，好似打边炉咁🍲。因为除咗面底外，仲有一大堆𩠌同配料放落个好似巫婆锅嘅汤底度。不过同面条一样，啲料系熟哂嘅，依个过程主要系为咗加热啫～。
睇餐牌完全唔知仲有成堆配料啰，一上菜嘅时候我哋超惊喜😍，有咁多小碟犹如食紧韩国菜咁，非常缤纷🌈。
我本身睇餐牌心谂碗米线无肉食咁寡㗎，唔通个前菜就系𩠌？非也非也，每碗面均配有几片肥牛片🐮，下低就垫有生菜。
其他十款配料包括芦笋、午餐肉、雪菜粒：
虫草花、生鹌鹑蛋、炸酱：
炸腐皮、炸酥肉(最独特)：
以及芫荽葱同炸鱼片。
冻红枣木瓜冰粉
8 浏览
0 赞好
0 留言
总括嚟讲，我真系从来冇谂过食米线都可以打卡😚，虽然系噱头，但味道亦算唔错；期待汤底改良后会减辣。餐厅似乎系由一家人经营，佢哋全部都劲好人，并主动帮我哋将个汤加热，又问我哋意见，我相信用心经营一定会杀出条血路！
张贴
