반찬앤쿡 Banchan and Cook (東薈城名店倉)

营业中

休息中

同朋友黎庆祝生日，个Tasty Treat影相好colorful，shopping 完有地方抖抖。今期系寿星女最爱嘅甘荀做主题，主食拣左咖哩甘荀蛋包饭配汉堡扒，蛋香软熟，日式咖喱好香，店员一反开蛋帽，好吸引，汉堡扒好厚肉，饭底甜甜地好好食。甘荀汁香煎猪扒长通粉系招牌野，汁底有甘荀甜，猪扒超薄又脆嘅脆皮，包住入面juicy嘅猪扒。呢个烧酱油黑毛猪白切肉配大酱生菜岩哂我，黑毛猪半肥瘦，好香，入口一d肥腻感都无，用菜、蒜、大酱包住食超满足。呢度d drinks都好特别，一路饮焦糖芝士山咖啡，首先会饮到焦糖甜，然后强烈芝士，继而咖啡，好多重嘅味道。Melting Choco都唔错的，好香浓朱古力味，唔会死甜。有d cute，春日小甘荀芝士蛋糕有个红箩卜仔装饰，先食到甘荀味之后系芝士蛋糕味，几mousse。