影片
更多
2024-02-14
144 浏览
Cafe坐落喺旺角东地铁站出口，装修行文艺文青风格，店内有唔少搞怪嘅艺术画作，有分室内同室外位置，主人们仲可以带埋宠物🐶一齐嚟！小店嘢食款式都多而且几吸引，有沙律、brunch、意粉、小食呢啲，轻食同主食都有，午餐或者晚餐时段仲会跟送多一款指定饮品，性价比超高，唔怪得晚市时段都咁full！-——————————————🥗◖无花果合桃石榴果黑醋沙律◗ $80沙律菜加上无花果同石榴，食落去甜甜地，配上咸咸地嘅羊奶芝士同爽脆嘅合桃，食落一啲都唔觉寡，但略嫌佢黑醋落得重手咗，超酸🤣！🥯◖全日早餐升级版◗ $120呢个全日早餐有超多配料，有肠仔、烟肉、烟三文鱼、炒蛋、炸薯角、牛油果蓉、车厘茄，再配上烘到卜卜脆嘅bagel，可以随心加上配料夹住一齐食，最钟意佢入面嘅炒蛋同肥嘟嘟嘅脆皮黑椒肠，呢个餐真系超丰富超满足！🤩🥠◖迷迭香蕃茄酱菠菜芝士意大利云吞◗ $89意大利云吞细细粒，里面包住菠菜芝士，配上蕃茄酱去烩煮，减轻咗整体嘅腻感，比较少Cafe可以试到！👍🍮◖忌廉芝士焦糖饼干布甸◗ $55本身就系冲着佢嘅布甸而嚟，布甸动L动L，回弹力十足！加入咗忌廉芝士🧀，所以布甸整体嘅口感比较creamy，同时
-——————————————
🥗◖无花果合桃石榴果黑醋沙律◗ $80
沙律菜加上无花果同石榴，食落去甜甜地，配上咸咸地嘅羊奶芝士同爽脆嘅合桃，食落一啲都唔觉寡，但略嫌佢黑醋落得重手咗，超酸🤣！
🥯◖全日早餐升级版◗ $120
呢个全日早餐有超多配料，有肠仔、烟肉、烟三文鱼、炒蛋、炸薯角、牛油果蓉、车厘茄，再配上烘到卜卜脆嘅bagel，可以随心加上配料夹住一齐食，最钟意佢入面嘅炒蛋同肥嘟嘟嘅脆皮黑椒肠，呢个餐真系超丰富超满足！🤩
🥠◖迷迭香蕃茄酱菠菜芝士意大利云吞◗ $89
意大利云吞细细粒，里面包住菠菜芝士，配上蕃茄酱去烩煮，减轻咗整体嘅腻感，比较少Cafe可以试到！👍
🍮◖忌廉芝士焦糖饼干布甸◗ $55
本身就系冲着佢嘅布甸而嚟，布甸动L动L，回弹力十足！加入咗忌廉芝士🧀，所以布甸整体嘅口感比较creamy，同时又带有浓郁嘅焦糖鸡蛋味，再配上面头嘅脆皮焦糖，好食！
☕️◖开心果鲜奶◗ $45
竟然有开心果鲜奶，上枱佢嘅淡绿色有啲奇怪🤣，但一饮落开心果味超浓郁，唔会太甜，啱晒开心果控！
🍍◖菠萝汁咖啡◗ $45
呢个系新推出嘅产品，用上比较fruity嘅咖啡豆，加入菠萝汁，卖相更吸引，味道有啲似Espresso Tonic，多咗一重菠萝果香～
🌟Encore指数：9/10
张贴
