HIKARI

今日喺荃湾行街行到有啲攰， 谂住揾间chill嘅餐厅食晚餐。 经过荃湾广场隔离嘅一条食街， 见到呢间餐厅环境清幽， 就吸引咗我入去。店内嘅装修行日式风情， 平实不奢华， 好啱同朋友一路食饭一路倾计。 餐牌主打西餐菜式， 有意粉，risotto, 小食同甜品等。 我哋就嗌咗几款菜式：1） 黑松露猪腩杂菌意大利饭- 巨型既猪腩，啖啖肉， 每一口都充满住香浓黑松露嘅味道， 好满足2） 水莲广岛蚝意粉- 有惊喜， 意粉有著浓浓嘅蚝香味， 每一条意粉都好挂汁，配上大大粒嘅蚝同水莲， 好创新既食法3） 水牛城鸡翼- 香脆可口， 外脆内软， 酱汁放喺旁边， 可控制辣度4） 黑芝麻鲜奶- 店员将饮品拉花， 好漂亮， 饮落去有浓郁嘅芝麻味， 好暖心呢间舖头除咗食之外， 每日夜晚仲有live唱歌表演， 满足晒味蕾及听觉！ 我同朋友都坐咗好耐。另外而家消费每300蚊， 即可兑换咖啡一杯， 下次同朋友行完街，顺便可以去餐厅攞一杯😉