Tommy Yummy (翡翠中心)

营业中

休息中

中环有间可以望到中环超长电梯嘅打卡泰菜餐厅 Tommy Yummy 餐厅喺翡翠中心嘅一楼，落地窗位置当日4张都系预约嘅，想要一路食，一路望住街景就要提早book枱啦~食物叫左 椰子南姜鸡汤份量大约系二人份，见到系南姜鸡汤有担心会唔会好重姜嘅辛辣味。饮落发现香茅柠檬叶系最重嘅味道，饮落清新开胃，特别适合最近落雨又闷热嘅天气饮。椰奶嘅甜味恰到好处，南姜硬身，咬落嘅姜汁淡香，容易接受。鸡肉切粒，肉质嫰滑。再配以草菇，车厘茄等配料，配搭均衡。串烧拼盘6串 配海鲜酸辣汁酱汁或者可以配沙嗲汁，落单时可以拣埋。6串6款，一个人食都可以试哂佢地！6款分别系- 泰式糯米猪肉肠：推荐！ 泰菜餐厅比较少见嘅串烧，猪肉味道超香浓，糯米食落粉少地，但出奇地配搭得好，几有惊喜- 牛肉串：牛肉肉质嫰滑，配上海鲜酸辣汁，更吊起牛肉鲜味。- 猪颈肉串：油脂分布平均，咬落爽喉，烧嘅火喉足，食落唔会觉得太油腻。- 沙嗲鸡肉串：鸡肉肉质嫰滑，沙嗲味不会过重但够香。- 泰式牛肉丸串：牛肉丸好有咬口，未绞至免治肉碎，保持到牛肉肉质。仲加入左糯米，弹牙之外多左一份口感。- 泰式猪肉丸串：冇外太多调味，配上海鲜酸辣汁会比较出味，口感