影片
更多
2020-01-04
432 浏览
一入到去俾佢摩洛哥风格嘅装修吸引左，成间餐厅嘅布置都好舒适，坐位好阔落！本身都惊呢间野得外表嘢食麻麻地，点知嘢食味道都唔错！生菜包嘅肉碎味道都几辣，食落去呢都几惹味，比较特别嘅地方呢系佢除咗生菜之外仲有青瓜配搭，个人觉得青瓜都几清新，隔离亦都配左几块好似虾片嘅咋物，不过呢因为俾啲肉碎浸喺上面，所以令到虾片变变到好淋。至于马拉盏通菜方面呢，味道都正正常常，个人觉得马拉盏嘅味道唔系好出，味道稍为淡左少少。仲有呢就系蛋包泰式金边粉啦亦都配上一只大虾，唔单止卖相靓，味道都唔错！泰式炸虾饼嘅份量比我地想像之中多好多，总共有六块，我哋四个人都食唔晒，炸物预咗呢都有少少油，不过呢都好香脆， 都算真材实料！最后呢，就系照烧牛柳粒意大利饭，意大利饭唔会话好太多酱太油腻。总括而言呢，呢间菜式唔单只系打卡嘅，食落去味道都唔错但系呢唔会话好有惊喜，如果下次有朋友生日都会考虑再嚟呢度庆祝。
一入到去俾佢摩洛哥风格嘅装修吸引左，成间餐厅嘅布置都好舒适，坐位好阔落！本身都惊呢间野得外表嘢食麻麻地，点知嘢食味道都唔错！
生菜包嘅肉碎味道都几辣，食落去呢都几惹味，比较特别嘅地方呢系佢除咗生菜之外仲有青瓜配搭，个人觉得青瓜都几清新，隔离亦都配左几块好似虾片嘅咋物，不过呢因为俾啲肉碎浸喺上面，所以令到虾片变变到好淋。
至于马拉盏通菜方面呢，味道都正正常常，个人觉得马拉盏嘅味道唔系好出，味道稍为淡左少少。
仲有呢就系蛋包泰式金边粉啦亦都配上一只大虾，唔单止卖相靓，味道都唔错！
泰式炸虾饼嘅份量比我地想像之中多好多，总共有六块，我哋四个人都食唔晒，炸物预咗呢都有少少油，不过呢都好香脆， 都算真材实料！
最后呢，就系照烧牛柳粒意大利饭，意大利饭唔会话好太多酱太油腻。
总括而言呢，呢间菜式唔单只系打卡嘅，食落去味道都唔错但系呢唔会话好有惊喜，如果下次有朋友生日都会考虑再嚟呢度庆祝。
张贴
