無老鍋

营业中

休息中

Happy Friday梗系要食餐好，同同事2个嚟无老锅打个快边炉。店员服务好好，详细介绍锅底同火锅料。店内装修新净，富中国风设计感，都有不少游客专程去打卡。锅底：面包豆腐白汤锅，系鸡汤底配上红枣杞子等滋润药材，面包豆腐类似蜂巢豆腐，吸晒汤汁又软又绵。火锅料：冰淇淋豆腐，真系似雪糕，要即刻落锅，吃落味道特别又熟悉，口感真系有啲似雪糕。吊龙（期间限定），肉质丰满湿润，细致嫩滑，火锅必点部位。日本黑豚肩肉，肥瘦均称，口感结实，肉味香浓。手工虾滑（台湾直送），真系见到大粒大粒嘅鲜虾，啖啖都系爽口弹牙嘅虾肉，肉比滑更多。综合菇，食左咁多肉类当然要食返啲菌类中和下。酱料站有特制火锅豉油，仲有蒜水，呢样系比较少见，有浓厚蒜味同埋少少醋味，好开胃。最后再送多个清新味蕾嘅水蜜桃沙冰，又爽又甜又refresh，下次要嚟试埋晚巿先得。