藤 (已結業)

寿司八贯 ($328 + 10% → $361)师傅有讲解八贯寿司嘅享用次序，由淡味﹑爽口开始到浓郁﹑油脂丰富嘅鱼料。到访当日吸物系野菜豆乳汤，野菜煮得非常软腍，融化系豆乳汤入面非常鲜甜，不过整体感觉同某连锁饭团店有供应嘅豆乳汤非常相似haha帆立贝肉厚鲜甜，有柚子皮做点缀，作为第一贯寿司的确开胃。牡丹虾﹑池鱼同鲷鱼都比较淡味，鱼鲜味唔算突出。深海池鱼﹑油甘鱼算系油脂比较丰富﹑鱼味比较突出嘅两贯寿司。海胆口感未算稠密，而且带有少量腥味。用小豌装住嘅鱼料浸泡系酸汁入面，质感爽口，味道特别，系今餐最大惊喜！大拖罗肥美有甘香，但未算入口即溶。米饭有预先用赤醋调味，不过酸度就个人黎讲稍微高咗些少，同鱼料配搭上黎未算非常搭衬，米饭整体质感亦比较松散。寿司调味比较轻手，但可惜鱼料鲜味未够突出，变咗每贯寿司都平平无奇，质素一般。水信玄饼晶莹剔透，糖浆甜度适中，作为料理结束相当满足。相反熊仔夹饼饼身软腍腍，但同红豆蓉尚算配搭。❍ 用餐提示餐店装饰以浅色木系为主，只得bar枱座位，总共大概可以招待十位客人，每位客人都可以望到师傅预备食材。摆盘非常有心思，仲有可爱装饰物做摆设，非常适合打卡。到访当日其中一