Vie Won Won (已結業)

好朋友星期二终于收到等左好耐嘅升职消息，即刻book咗星期五同佢黎呢间之前已经想试嘅鬼混同佢食lunch 庆祝🎉餐厅位置非常方便，我哋在香港大学地铁站B2出口行大约两分钟就已经到达餐厅。餐厅一共有两层，地下位置非常Chill，好适合打卡。我哋怕热，所以店员安排我哋坐楼上位置，好彩我哋预先book位，因为lunch hour餐厅都座无虚席，可能大家谂住TGIF要食返餐好😜午餐选择非常丰富，每个主菜都会有沙律/汤同咖啡茶，或者加钱饮其他特饮。朋友负责拍板，beef lover嘅佢拣咗7oz牛腰脊肉配白菌烧汁，同其他餐厅比较少见嘅芝士海鲜龙虾焗面包。我哋两个都叫咗沙律，沙律菜非常新鲜，仲有柚子同蕃茄仔伴碟，炎炎夏日食就非常适合。