就是偏偏喜歡你 (已搬遷) 新店位置

今日520想氹下老婆，所以揾左间布置好girly嘅cafe，喺铜锣湾耀华街楼上。上去到见到餐厅嘅布置好靓好多花花，可惜有两个鸟笼位都俾人早到坐左先。我地坐另一边都系打卡位，好多花花包围住。我地胃口唔系好大，叫左一人一个汤，一个burger同一碟意粉，听落好似都系啲简单嘢，但上枱时就发现好有惊喜！我地叫左南瓜汤同黑松露野菌汤，个南瓜汤好浓，饮得出个南瓜搅蓉左落去，个味好南瓜甜，然后个黑松露汤好杰，满满的松露味，啱晒中意浓厚口感嘅朋友，个汤其实上面仲有花瓣，令到个外观都好吸引！之后个波萝照烧鸡黑汉堡又系feel到佢系有心机出品，个盘好full有脆片同沙律菜，而主角系汉堡，个饱好软，鸡扒配照烧汁好惹味，个菠萝烤过黎。一定要一齐放入口先好味！而个黑松露炒意粉系我食过最好食最好食嘅松露意粉，佢啲酱又系好杰好杰好浓厚，啲意粉完全吸收左松露味，完全感受到系足料出品！最后加个熊仔士多啤梨牛奶当系甜品，坐喺打卡位影相，又得饮又好好玩，成件事系好愉悦！服务、环境好好好好之余，仲有两只可爱兔仔驻场，令我觉得食餐饭都好有活力！